அமீரக TIYAவின்
சார்பில் நேற்று வெள்ளிக்கிழமை மாலை மகரிப் தொழுகைக்கு பிறகு சகோதரர் N.முகமது
சேக்காதி அவர்கள் இல்லத்தில் TIYAவின்
பொதுக்குழுக் கூட்டம் சிறப்பாக நடைபெற்றது.
இந்த
கூட்டத்திற்கு அமீரக TIYAவின் தலைவர் N. முகமது
மாலிக் தலைமையிலும்,ஏனைய
நிர்வாகிகள் மற்றும் உறுப்பினர்கள் முன்னிலையில் இனிதே துவங்கியது.
சகோதரர் S,P. ஹாஜா
அவர்கள் கிராத் ஓதினார். கடந்த கூட்டத்தில் எடுக்கப்பட்ட தீர்மானங்கள்
மற்றும் அதன் செயல்பாடுகள் குறித்து தலைவர் N. முகமது
மாலிக் விளக்கி
கூறினார்.
அதனை தொடர்ந்து TIYAவின்
உறுப்பினர்களுக்கான கேள்வி நேரம் ஒதுக்கப்பட்டு ஒவ்வொரு உறுப்பினர்களின்
கருத்துகளும் பெறப்பட்டு, இதற்குரிய
விளக்கங்களும்,வாக்குறுதிகளும்
பொறுப்பாளர்களால் வழங்கப்பட்டது.
இறுதியில்
கீழ்காணும் தீர்மானங்கள் ஏகமனதாக நிறைவேற்றப்பட்டன.
1. கடந்த
ஆண்டை போன்று இந்த ஆண்டுக்கான மஹல்லாவில் உள்ள ஏழை மாணவ மாணவிகளுக்கு சீருடை, கல்வி
கட்டணம் போன்றவைகள் வழங்குவது எனவும்,
2. தாஜுல்
இஸ்லாம் சங்கத்தின் தாயக நிர்வாகிகள் ஒத்துழைப்புடன் மஹல்லாவில் மக்கள் தொகை
கணக்கெடுப்பு நடத்த இந்த கல்வி ஆண்டு விடுமுறையில் உள்ள நமது மஹல்லாவை சார்ந்த
கல்லூரி மாணவர்கள் மூலம் உடனடியாக செய்து முடிப்பதற்கு தாயக TIYA நிர்வாகிகளிடம்
கேட்டுக்கொள்வதென முடிவு செய்யப்பட்டது.
3. மஹல்லாவில்
உள்ள விதவை ம்ற்றும் முதியவர்களுக்கான ஊக்க தொகையாக் மாதம் தோறும் 500ரூபாய்
விதம் சுமார் 10 நபர்களுக்கு
தாயக நிர்வாகிகள் வழங்கி வருகினறனர், மேலும்
இவற்றை விரிவுபடுத்தும் நோக்கில் கூடுதலாக இன்னும் 10 நபர்களையும்
சேர்த்துக் கொண்டு இயன்றளவில் உதவிகளை அவர்களுக்கு வழங்குவதென
தீர்மானிக்கப்பட்டது.
4. மஹல்லாவில்
உள்ள அபுல் ஹோட்டல் அருகில் உள்ள பிராதன நான்கு பக்க சாலைகளின் பாலம் பழுதடைந்து
இருப்பதாகவும் இன்னும் சில இடங்களில் இது போன்று ஏற்பட்டு உள்ள பிரச்சனைகளை சரி
செய்வதற்க்கு 16, 17வது
வார்டு உறுப்பினர்களிடம் அதிரை பேரூராட்சி தலைவரிடமும் இது தொடர்பாக அமீரக TIYAவின்
மூலம் ஒரு கோரிக்கை மனு ஒன்று அனுப்பி வேண்டுகோள் வைப்பதென தீர்மானிக்கப்பட்டது.
5. நமதூரை
சார்ந்த மூன்று மாணவிகள் மாநில அளவில் நடைபெற்ற G.R.பப்ளிகேஷன்
ஆங்கில தேர்வு எழுதி முதல் மூன்று இடங்களை பிடித்து நமதூருக்கு பெருமை
சேர்த்துதந்த மாணவிகளை நாம் பாராட்டியாக வேண்டும் 100க்கு 98மதிப்பென்
எடுத்து முதலாம் இடம் பிடித்து கோல்டு
மெடல் வாங்கியுள்ளார், 100க்கு96 மதிப்பென் எடுத்து இரண்டாம் இடமும், 100க்கு 94 மதிப்பென்
எடுத்து மூன்றாம் இடமும் பிடித்துள்ள இந்த மூன்று மாணவிகளையும் TIYAவின்
சார்பாக வாழ்த்துகளை தெரிவித்து கொள்கிறோம். குறிப்பு இரண்டாம் இடமும், மூன்றாம்
இடமும் பிடித்துள்ள மாணவிகள் இருவரும் நமது மஹல்லாவை சார்ந்தவர்கள் என்பதையும்
தெரிவித்துக்கொள்கிறோம். இந்த மூன்று மாணவியையும் பாராட்டும் விதமாக இனிவரும்
காலங்களில் மேலும் பல சாதனைகளை மாணவர்களும் மாணவிகளும் பெற்று நமதூருக்கு பெருமையை
சேர்த்துதர வேண்டுமென்று இந்த மாணவிகள் மேலும் பல சாதனை படைக்க வேண்டுமென்று
நோக்கில் TIYAவின் சார்பாக சாதனை படைத்த மாணவிகளுக்கு
மேலும் ஊக்கம் கொடுக்கும் விதமாக மூன்று மாணவிகளுக்கும் TIYA சார்பில்
பரிசு வழங்குவதென தீர்மானிக்கப்பட்டது.
கூட்டம் துவாவுடன் இனிதே நிறைவுபெற்றது.
என்றும் அன்புடன்,
அமீரக TIYA தலைவர் மற்றும் நிர்வாகிகள்
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள், அவர்களுடைய கருத்துக்களே;
4. அதற்கு அதிரை பிறை எந்த வகையிலும் பொறுப்பேற்க இயலாது