சிரியாவின் மீது போரால்
.....சிறியோரை அழிக்கப் போறாய்
புரியாதோ உன்றன் கோபம்
……பெட்ரோலே உன்றன் தாகம்
விரிவாகச் சொல்லா ஐநா
தெரியாதோ உன்றன் சூழ்ச்சி
….....தெளிவற்றோர் காண்பர் வீழ்ச்சி
அடாவடியின் தலைமை நீயே
……அகிலத்தை அழிக்கும் தீயே
விடாப்பிடியின் போக்கால் போரும்
……விதைப்பதனால் அழியும் பாரும்
கடாஃபியையும் கொன்று விட்டாய்
……கண்ணுக்குள் சிரியா தொட்டாய்
சுடாதவுன்றன் மனத்தின் சாட்சி
……சுடுகின்ற குண்டின் காட்சி
காசுகளைப் பண்ண வேண்டி
……கண்டங்கள் எல்லாம் தாண்டி
வீசுகின்ற கணைகள் ஏவ
……வித்திட்ட இஸ்ரேல் கூவ
கூசுகின்ற பொய்நா கூட்டம்
……கூடுவதே போரின் நாட்டம்
மாசுகளே பரவும் பாரில்
……மாபாத கமானப் போரில்
அசாதவனும் கோர மன்னன்
……அழித்துவந்தான் ஆங்கே இன்னும்
ஃபசாதவனும் கெமிக்கல் கொண்டே
……பச்சிளம்பா லகரைக் கொன்றான்!
விசாரணையில் தீர்ப்பும் எட்டும்
……வீணானப் போரை விட்டால்
அசத்தியத்தின் நிலையில் தானோ
……அகிலத்தை மிரட்டல் ஏனோ?
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள், அவர்களுடைய கருத்துக்களே;
4. அதற்கு அதிரை பிறை எந்த வகையிலும் பொறுப்பேற்க இயலாது