அதிரையில் நேற்று எரிக்கப்பட்ட பூங்காவில் உழைத்த இளைஞர்களின் கண்ணீர் வார்த்தைகள்...

அதிரை ஆலடித்தெரு  முஹைதீன் ஜும்ஆ  பள்ளி எதிரில் இளைஞர்களால் உருவான அழகிய பூங்காவை நேற்று நள்ளிரவு 1:00 மணியளவில் சில மர்ம நபர்களால் தீ வைத்து கொளுத்திவிடப்பட்ட செய்தியை நாம் எல்லோரும் அறிந்தே.

இது குறித்து அந்த பூங்காவிற்கு உழைத்த இளைஞரிடம் கேட்டபொழுது....

நாங்கள் இந்த  பூங்காவை கடந்த மூன்று மாதங்களாக பல சிரமங்கள் பட்டு உருவாக்கினோம். இந்த பூங்காவை உருவாக்குவதற்கு முன்பு இந்த இடம் குப்பை காடாக காணப்பட்டது.

   

குப்பை காடாக காணப்பட்ட இந்த இடத்தை சுத்தம் செய்து பூங்காவாக மாற்றியது தப்பா.... எங்கள் மனதில் மண்ணள்ளி போட்டு பூங்காவை சீரழித்து விட்டார்கள். 

 இன்ஷா அல்லாஹ், அல்லாஹ்வின் உதவியால் இந்த பூங்காவை பெரியளவில் உருவாக்குவோம் என கண்ணீர் வார்த்தையுடன்   தெரிவித்தனர்.