அதிரையில் உள்ள ஒரு மஸ்ஜித் நிர்வாகத்திற்க்கு அன்பான வேண்டுகோள்!!!

இதோ ரமலான் நோன்பு நம்மை நெருங்குகிறது, வருடாவருடம் நமது ஊரில் (பெயர் குறிப்பிட விரும்பவில்லை) ஒரு பள்ளியில் நோன்பு திறக்கும்போது நடக்கும் அநீதியை இங்கே உங்களிடம் பகிர்ந்துகொள்வதன் மூலம் இந்த தவறை அவர்கள் திருத்திக்கொள்ளவேண்டும் என்ற நல்ல நோக்கத்தில் இந்த பதிவை இங்கே பதிவிடுகிறோம்.

நோன்பு திறக்கும்போது நமது ஊர் அதிரையில் அனைத்து பள்ளிவாசல்களிலும் சிறியவர்கள் பெரியவர்கள் சேர்ந்து இருந்து நோன்பு திறப்பதை காலம்காலமாக பார்த்துவருகிறோம். இதில்தான் அதிக சிறப்பும் இருக்கிறது. ஆனால் நமது ஊரில் உள்ள ஒரு பள்ளியில் நோன்பு திறக்கும்போது ஏழை சிறுவர்களை அங்கே தனியே அமர்த்திவிட்டு சிலர் தனியாக பள்ளியில் வேறு பகுதியில் அமர்ந்து கொண்டு சிறப்பான உணவை வீட்டில் இருந்து கொண்டுவந்து வைத்துக்கொண்டு, பள்ளியில் காய்ச்சும் கஞ்சியை முதலில் எடுத்து வைத்துக்கொண்டு மீதம் உள்ள கஞ்சியில் தண்ணீரை கலந்து கொடுப்பதும் இது வருடா வருடம் நிகழ்ந்து வருகிறது. பலமுறை சொல்லியும் அவர்கள் திருத்திக்கொள்வதாக இல்லை.

இங்கே பதிவிடுவதன் மூலமாவது நிலையை மாற்றிக்கொள்வார்கள் என்ற நல்ல எண்ணத்திலும் ஆசையினாலும் இங்கே இதை பதிவிடுகிறோம். இன்ஷா அல்லாஹ் இந்த வருடத்திலிருந்து திருத்திக்கொள்ளுங்கள்.

குறிப்பு: மஸ்ஜித் மீது அவபெயரை ஏற்படுத்தாமல் இந்த செயதை மட்டும் அவர்கள் தவிர்த்துக்கொள்ள வேண்டும் என்ற நோக்கில் பள்ளியின் பெயரை குறிப்பிடவில்லை.

முஹம்மத் யூஸஃப்

தம்மாம் - சவுதி