அதிரைக்கு ரமலானில் தடையின்றி மின்சாரம் வழங்க அதிரை பிறை வழங்கிய கோரிக்கை மனு!

இஸ்லாமிய பெருமக்களின் புனித மாதமான ரமலான் மாதம் இன்னும் சில தினங்களில் வர உள்ளது. இம்மாதம் 18-6-2015 (வெள்ளிக் கிழமை) முதல் துவங்கி அடுத்த மாதம் 18-7-2015 (சனிக்கிழமை) வரை மக்கள் நோன்பு நோற்பார்கள்.

அதிராம்பட்டினத்தில் இஸ்லாமிய மக்கள் அதிகம் வசித்து வருகின்றனர். கிட்டத்தட்ட அதிகாலை 4 மணி முதல் மாலை 6.30 மணி வரை உண்ணாமல், தண்ணீர் அருந்தாமல் நோன்பு நோற்பார்கள். மேலும் இரவு நேரங்களில் மார்க்கம் சார்ந்த கிரியைகளை நிறைவேற்றுவர். மேலும் அனைத்து விதமான காரியங்களுக்கும் மின்சாரம் மிகவும் அவசியமானது.

எனவே கடந்த ஆண்டுகளில் இம்மாதத்தில் முழு நேர மின் விநியோகம் வழங்கியதுபொல்  இந்த ஆண்டும் பொதுமக்களின் நலன் கருதி ரமலான் மாதம் முழுவதும் அதற்க்கு அடுத்த நாளான நோன்புப் பெருநாள் அன்றும் மின்சாரம் தடை இன்றி விநியோகம் செய்யுமாறு அதிரை பிறை சார்பாக கேட்டுக்கொள்கிறோம்.

இது குறித்த நமது அதிரை பிறை செய்தியாளர்கள் இன்று காலை அதிரை உதவி மின் பொறியாளர் அவர்களை சந்தித்து இந்த கோரிக்கை மனுவினை வழங்கினர். இதனை படித்து பார்த்த நிர்வாகி ரமலான் மாதம் தடையின்றி மின்சாரம் வழங்க தங்களால் இயன்ற அளவுக்கு முயற்சி செய்வதாக உறுதியளித்தார்.

Advertisement

அதிரையில் குறைந்த மாத தவணையில் வீட்டு மனை பிரிவுகள்